|
|
|
Duarpkind
Christine Koch, in Herhagen bei Reiste geboren, schrieb
in diesem Gedicht ihre Kindheitserinnerungen auf.
|
Wann de Sunnenvuile flaiget, wann de Flaitepeypen gatt,
Wann de Swuartdörenhecken in Blaumen statt,
Wann de Biärkensap smecket ase Tokaierweyn:
Biu schoin is et dann, en Duarpkind te seyn.
|
Wann vey Swuartebiären saiket, wann vey foihert in‘t Hai.
Wann vey Roggen häime haalt udder hött de Kaih,
No der Kiärmisse gatt, blink blank un feyn:
Biu schoin is et dann, en Duarpkind te seyn.
|
Wann de Appeln, wann de Biären, wann de Pliumen reype sind,
Wann de Iäkern un de Bauknüte schürret de Wind,
An der Gorenwand glögget de wille Weyn:
Biu schoin is et dann, en Duarpkind te seyn.
|
Wann de Eystappen hanget un de Slieenbahn gäiht,
Wann viär jedem Hiuse ne Snaikerel stäiht,
Wann de Appelkes muket in Mutters Schreyn:
Biu schoin is et dann, en Duarpkind te seyn.
|
|
|
|
|
